Kreu i opozitës Lulzim Basha duke folur në protestën e sotme të opozitës është shprehur se nesër do të jetë dita e nisjes së Republikës së Re. Ai ka ftuar të gjithë shqiptarët që të vinë në protestën e opozitës, pavarësisht krahine apo bindjeje politike.
Nesër tha Basha do ti bashkohen çadrës së opozitës, intelektualët, artistët, pensionistët, shkrimtarët, madje dhe vetë socialistët e zhgënjyer.
Nesër do të nis Republika e Re. Në këtë shesh do vinë të rinjtë që kërkojnë një arsim ndryshe. Nesër bashkohen me ne qindra biznesmenë të vegjël, nesër do jenë me ne të gjithë pensionistët që nuk kanë para për të blerë ilaçet.
Republika e Re brenda 4 viteve do bëjë që të mos ketë pension nën 250 mijë lekë për çdo pensionistë. Paratë do jenë për pensionistët dhe jo për Lali Fikun me të korruptuarit e tij. Republika e Re do të realizojë kthimin në listat e përfitimit të ndihmës sociale për të gjithë ata që realisht kanë nevojë.
Do kemi taksën më të ulët në Ballkan prej 9 përqind, që do të vinë nga investimet. Me ne bashkohet nesër çdo punëdhënës dhe çdo punëmarrës. Talenti, kreativiteti dhe djersa e shqiptarëve do të jenë vetëm për mirëqënien e qytetarëve. Nesër do të bashkohen me ne të përndjekurit politikë, që përveç shpërblimit financiar do të marrin dhe një shpërblim të nderit të humbur. Nesër bashkohen me ne të zhgënjyerit, vëllezërit dhe motrat socialistë që bashkë me ne do t’i thonë ndal drogës dhe krimit.
Me ne nesër do të jenë sportistët, intelektualët dhe artistët. Ja pse dita e nesërme do të hyjë në histori, se është dita e bashkimit të padërgjuar më parë në vite dhe dekada. Me vendosmëri, mirësevini vllezër dhe motra, qytetarë dhe qytetare nga jugu në veri nesër në orën 12 në Sheshin e të ardhmes europiane’’, u shpreh Basha. (E.K/SHUPALKA)
Discussion about this post