“Sot ndoshta nuk na kërkohet të biemë dëshmorë siç bënë gjeneratat e shkuara por duhet të jemi të bashkuar për të çuar në vend amanetin e atyre që dhanë jetën për atdheun. Idealin e tyre nuk duhet ta harrojmë, kontributet e tyre, sepse kemi përgjegjësi ndaj kombit shqiptar, ndaj identitetit kombëtar.”
Kështu e nisi fjalën e tij nga Gjilani, Presidenti i Republikës së Shqipërisë, i cili u dekorua aty me titullin “Qytetar Nderi” i Gjilanit. Ai theksoi se pavarësisht se nuk kërkohet që të biemë dëshmorë, duhet që të jemi të bashkuar për shkak të përgjegjësisë ndaj kombit shqiptar.
“Unë jam i nderuar që ndodhem sot këtu, në Gjilan, në vendin e qëndresës, e trimërisë dhe ruajtjes së identitetit kombëtar. Sot është koha që të jemi krenarë me arritjet tona si komb por sigurisht që duhet të bëjmë akoma më shumë përpjekje.
Sot nuk na duhet të biem mbase dëshmor siç bënë gjeneratat e shkuara, por ne nuk duhet të harrojmë. Duhet të jemi bashkë për sfidat për të avancuar me të drejtat politike të shqiptarëve në Kosovë dhe kudo, duhet të jemi besnikë ndaj idealit tonë spse kemi përgjegjësi ndaj kombit tonë”, deklaroi mes tjerash Nishani.
Presidenti Nishani ndodhet në Kosovë pas një ftese zyrtare nga Presidenti Hashim Thaçi.
(B.H/SHUPLAKA)
