Kreu i PD-së, Lulzim Basha foli ditën e sotme nga çadra përballë Kryeministrisë me Fatmir Mediun në krah.
Basha iu kthye edhe një herë tjetër emërimit të Fatmir Xhafajt si ministër i Brendshëm. Sipas tij, ky është një akt lufte, jo për opozitën, por për Shqipërinë.
“Emërimi i Fatmir Xhafajt si ministër i Brendshëm është akt lufte, jo vetëm për opozitën, por për të gjithë Shqipërinë”, tha Basha.
“Pakica në pushtet i ka ditët e numëruara”, paralajmëroi kreu i PD-së. Ai tha se akuza e opozitës është një kauzë amerikane.
Basha u bëri thirrje edhe disa zyrtarëve të lartë te BE-së që të hapin sytë dhe të mos dezinfirmohen nga gojët e liga që paguhen me paratë e narkotrafikut.
Bashkë me përfaqësues të të përndjekurve politikë, sot kreu i opozitës Lulzim Basha i bëri thirrje kryetarit të Komisionit të Ligjeve, Fatmir Xhafaj, të tërhiqet dhe të mos pranojë marrjen e postit të ministrit të Brendshëm.
Për të treguar vendosmërinë e opozitës kundër këtij emërimi, Lulzim Basha përdori një gjuhë të fortë.
“Le të zotohemi bashkë se Fatmir Xhafaj nuk do ta kalojë pragun e Ministrisë së Brendshme, përveçse mbi trupat tanë”, deklaroi kryeopozitari.
“Ndokush që nuk e njeh mirë historinë e Shqipërisë, mund edhe ta pandehë për ‘qingj’, por shqiptarët e dinë se ka qenë dhe është ujk i vjetër i diktaturës dhe i narkotrafikut”, deklaroi më tej Basha.(M.D/ Shuplaka)
Discussion about this post