Ministri i Shëndetësisë, Ilir Beqaj, vlerësoi si të suksesshëm deri më tani partneritetin publik-privat. Për rrjedhojë, ai deklaroi në emisionin “5 Pyetjet nga Babaramo”, se do të jepen të tjera koncesione në sistemin shëndetësor.
“Patjetër që do të ketë. E sigurt janë laboratorët. Kemi dhe programe të tjera. Ne po shohim mundësinë e PPP për ndërtimin e infrastrukturës spitalore dhe furnizimin me pajisje mjekësore.”, u shpreh ministri, i cili qartësoi se kjo bëhet me qëllim ndërtimin e spitaleve dhe qendrave shëndetësore të reja, si dhe plotësimin me pajisje të reja në këto institucione të Shëndetësisë.
Sipas Beqajt, nga këto koncesione do të përfitojnë qytetarët, të cilëve nuk do u mungojë asnjë shërbim kundrejt asnjë pengese.
Discussion about this post