Sekretari i Përgjithshëm i Organiztaës së Kombeve të Bashkuara, Ban Ki-moon, ka shprehur alarmin për vrasjen masive të civilëve në Siri. Ai u ka bërë thirrje të gjitha palëve, sidomos qeverisë siriane dhe aleatëve të saj, të mbrojnë civilët.
Nga ana tjetër, këshilltari humanitar i OBS-së, Jan Egeland, u shpreh më herët se Siria dhe Rusia ishin “të përgjegjshme” për mizoritë e kryera nga trupat pro-qeveritare. Rebelët e mbetur në Aleppo janë në prag dështimi pas fitoreve të njëpasnjëshme të ushtrisë siriane.
“Sekretari i Përgjithshëm është i alarmuar mbi raportet e mizorive të kryera kundër një numri të madh civilësh, përfshirë gra dhe fëmijë.”, u shpreh zëdhënësi i Ban, Stephane Dujarric.
“Duke theksuar se Kombet e Bashkuara nuk janë në gjendje të verifikojnë në mënyrë të pavarur këto raporte, Sekretari i Përgjithshëm u përcjell shqetësimin e tij të madh palëve përkatëse.”, vijon më tej deklarata.
Deri më tani nuk ka pasur komente publike mbi këtë çështje nga ana e qeverisë siriane apo aleati i saj, Rusia.
Discussion about this post