Kryeministri Berisha ka vijuar me akuzat e tij për Saimir Tahirin. Ai e ka quajtur atë rrugaç dhe kriminelë dhe sipas Berishës nuk ka sesi të ndodhë ndryshe për sa kohë prindërit e tij janë banditë.
”Në vend që ta arrestonin i përgatitën Eskobarit mundësinë për të mbajtur konferencë shtypi që të sulmonte Berishën. Kur ministri Drejtësisë kërkoi arrestimin e tij hëngri kokën e vetë. Saimir Tahiri në vend që të skuqej dhe të turpërohej vjen dhe sillet këtu si rrugac dhe bandit.
Po nuk mund të sillet ndryshe si fëmijë kontrabanditësh që është. Si rrugaç që është dhe pasi ka marrë një dozë vjen këtu dhe çirret dhe ngjiret. Pse ikën tani? A është bandit një ministër që vret në Shën Gjergj si pasojë e karteleve të drogës”, ka thënë Berisha.
Ai ka bërë thirrje që të dilet në shesh për t’u përballur me këto banda. ”Të Zëmë sheshin të betuar që nuk do largohemi. Të mos i ndahemi protestës derisa këta t’ia mbathin si minj duke mos ditur ku të fshihen”, ka vijuar më tej Berisha.
Ndërkohë Berisha ka akuzuar dhe Arta Daden si pjesë e organizatave kriminale.
“Ku je ti Arta që e sulmon kryeministrin me gazetën tënde?! Nuk mund të bëhesh presidente sepse vjen nga krahu kryesor i ‘Hakmarrjes për drejtësi’, po, po e di edhe ti Gramoz. Ke bërë gabim shumë të madh që përdor atë gazetë… kjo është fakt se si përdoret media si hanxhar”, tha Berisha në seancën e sotme.(E.K/SHUPLAKA)
