Këto zgjedhje padyshim që janë pritur me disa surpriza përsa i përket listave të Partive Politike. Lëvizja Socialiste për Integrim, si edhe në zgjedhjet parlamentare të vitit 2013, do të ketë emrat e saj në listën e Partisë Socialiste.
Nëse emri i deputetit Braho ishte shumë i njohur dhe ra në sy menjëherë, dy emra të tjerë që kanë qenë pjesë e LSI-së janë zbuluar në listën e PS-së në Tiranë.
E 23-ta në listën e qarkut të Tiranës, Danja Hobdari, dhe e 24-ta Juliana Hoxha, e cila është aktualisht sekretare e Përgjithshme e Ministrisë së Drejtësisë, shpresojnë të bëhen deputete të Parlamentit të ardhshëm.
Nuk dihet pse janë bërë këto lkëvizje por emrin e Spartak Brahos si pjesë të listës së PS-së e ka shpjeguar vetë kryesocialisti Rama.
“Spartak Braho nuk ka qenë asnjëherë deputet i LSIsë, në kuptimin juridik. Ai ka qenë deputet i PS-së, kur Meta krijoi LSI-në. Në 2009 s’ka qenë fare. Në 2013-n ka qenë i PS-së. Ai ka një rol të posaçëm në marrëdhënien mes dy partive kur është kohë e nxehtë. Patjetër që ka edhe një eksperiencë të çmueshme. Asnjëherë nuk ka qenë një pengesë, një zjarrnxitës, që kur na është dashur, kemi kaluar si unë, si Presidenti i zgjedhur”, u shpreh kryetari i Partisë Socialiste, ditën kur u shpallën publikisht listat e kandidatëve për zgjedhjet e 18 qershorit. (E.K/SHUPLAKA)
