Analisti i njohur Andi Bushati, i ftuar në emisionin “Të paekspozuarit” të gazetarit Ylli Rakipi, është shprehur se një grusht njerëzish që qëndrojnë pranë qeverisë Rama, po grabisin përditë pasuritë publike.
Sipas tij, kullat dhe koncesionet po u jepen vetëm klientëve të Ramës.
“Kemi një grup oligarkësh të cilët kontrollojnë çdo pasuri publike në këtë vend. Këta janë të lidhur me qeverinë dhe kryeministrin, ata janë të parët që përfitojnë tendera dhe koncesione”, u shpreh Bushati.
Ai shtoi më tej duke thënë se edhe mediat në vend janë të kapura nga biznesmenët e qeverisë.
“Shikoni kioskat në Tiranë që janë marrë nga pronarja e Top-Channel, shikoni kullat qe po ndërtohen nga pronari i Klanit. Këta janë të gjithë të kapur nga kryeministri Rama”, përfundon Bushati.
