Gjyqtarja e çështjes së Frederik Totës dhe shtatë të arrestuarve të tjerë ka dhënë dorëheqjen nga çështja dhe jo pa shkak. Në Sallën e gjyqit Frederik Tota i është drejtuar gjyqtares Izabela Radovani me fjalët: Këtu s’duhet të jem unë por ti që ke marrë lekë për të nxjerrë njerëz nga burgu dhe ke dalë nëpër emisione negative”.
Pas kësaj gjyqtarja është tërhequr për të marrë vendimin dhe më pas ka komunikuar edhe dorëheqjen e saj.
Tota dhe personat e tjerë të arrestuar kërkonin ndryshimin e masës së sigurisë, por gjykata e ka refuzuar duke e lënë në fuqi masën ‘arrest në burg’ për 50 vjeçarin banues në Shkodër, i dënuar disa herë për vepra të ndryshme penale.
Ata akuzohen për veprat penale “Prostitucioni, Shfrytëzim prostitucioni, mbajtje e ambjenteve për prostitucion dhe pastrim produktesh të veprës penale”, parashikuar nga nenet 113, 114, 115 dhe 287 të Kodit Penal.
Në një prononcim për ”Fax News” vëllai i Totës shprehet se Prokuroria iu ka sekuestruar atyre ambjentet e shtëpisë, ndërsa thotë se akuzat ndaj Frederikës janë të pavërteta.
‘’Na kanë konfiskuar pasurinë e familjes. Flemë në farefis, na kanë marrë edhe lekët e shtëpisë. nUk na lënë që të marrim as lekët e shtëpisë nga banesa. As vëllanë nuk e takojmë dot, ai ka pasur një biznes të ligjshëm dhe akuzat janë të pavërteta. Vëllai im ka qenë sportist, ndaj edhe e quajnë të fortë. Por Shkodra ka të fortë të therë”, u shpreh vëllai i Frederik Tatës, Viliami.
(E.K/FAXWEB)
Discussion about this post