Gazetari dhe njëkohësisht profesori i Universitetit të Tiranës, Mentor Kikia ka reaguar ashpër pas videos që bëri xhiron e rrjeteve sociale, ku gazetarja e emisionit në Tv Apollon, Marsela Topi ka shpërthyer në të shara ndaj stafit “O çuna, pusho mort ë qi*sha robt!”
Në një postim në Facebook, Kikia shkruan se video e gazetares u bë virale, duke u komentuar nga të gjithë. Kikia shprehet se është dakort, që ky nuk është fjalë i denjë për vajzat.
Më tej Kikia shton pse nuk jemi kaq të ndjeshëm kur denoncohet një skandal korruptiv?
“Si nuk u bëmë kaq shumë të ndjeshëm kur publikohet një lajm që na dëmton interesat tona ekonomike e sociale? Si nuk u mobilizuam për ta bërë kauzë e ta shpërndajmë një lajm të mirë, që mund të na shërbejë si model, ndërsa kaq shumë ankohemi se na mbytën idojtët e injorantët?”
Kikia thotë se gajasemi dhe argëtohemi pas një q*irjeje.
Postimi i plotë:
Një shoqëri që çmendet pas një q*rjeje!
Po ju kërkoj një NDJESË, të madhe që në fillim për këtë fjalë, por më duhet ta përdor. Nuk ka ngelur njeri, besoj, që frekuenton rrjetet sociale, pa i parë nja dy vidoe, ku tregohen dy gazetare që gjatë punës së tyre, jo live, por në proces regjistrimi, përdorin një fjale banale, mesaduket në kushte nervozizmi.
U bënë virale. U shpërndanë, u panë e u lexuan, u komentuan e stërkomentuan. U bë moral edhe nga më i pamoralshmi dhe vajzat “banale” u telendisën. Iu morën foton nga faqet e tyre në rrjetet sociale, në plazh, në makinë, në dasma, në lokale…: “Ja kush eshte gazetarja që shau në studio”. A thua çfare kishte bere.
Po bashkohen edhe unë me moralistët, që fjalori i tyre ishte i padenjë për vajzat.(Edhe pse nuk e kuptoj se përse ca fjalë mund të pranohen si normale kur i thonë djemtë, e quhet skandaloze kur i thonë vajzat. Ndoshta parlamenti duhet të ndalet edhe këtu për çështjen e barazisë gjinore). Por e kam tjetër kund hallin.
Çfarë populli jemi që turremi pas nje fjale? Si nuk u bëmë kaq shumë të ndjeshëm kur denoncohet një skandal korruptiv? Si nuk u bëmë kaq shumë të ndjeshëm kur publikohet një lajm që na dëmton interesat tona ekonomike e sociale? Si nuk u mobilizuam për ta bërë kauzë e ta shpërndajmë një lajm të mirë, që mund të na shërbejë si model, ndërsa kaq shumë ankohemi se na mbytën idojtët e injorantët?
Jo! Vrapojmë si të babëzitur pas një q*irjeje, gajasemi, argëtohemi, shajmë, bëjmë moral, mallkojmë…
Këto video nuk na dëshmojnë mungesën e edukatës tek dy, dyzet apo dyqind vajza. Por na dëshmojmë se çfarë shoqërie perverse jemi ne.
(K.H/Faxweb.al)
