Çyrbja i kundërpërgjigjet Bashës: Shullazi me bandën e tij, të mbronin votat në Farkë

Deputeti i PS-së Jurgis Çyrbja, ka reaguar pas deklaratës së kreut të PD-së, Lulzim Basha, i cili e quajti shërbëtor të Emiljano Shullazit.

Në një prononcim për BalkanWeb, Çyrbja akuzon Lulzim Bashën se ishte pikërisht Shullazi dhe të tijët ata që i kanë mbrojtur votat në Farkë atij.

“I nderuar Z. 21 janari, shitës i territorit shqiptar, hajdut i 350 milion eurove të rrugës së autostradës Rrëshen-Morinë. Unë jam marrë si dëshmitar për të dëshmuar kundrejt një çështje që ka të bëjë me një pronë, e cila është marrë forcërisht nga disa individë, të cilët sot ndiqen penalisht. Në dëshminë time në asnjë moment nuk është mbrojtur askush, përveç deklarimit të së vërtetës.

Humbës, e dimë të gjithë që nga dëshpërimi njëriu bën gjithçka, por unë nuk jam adresa se ku mund të hedhesh dëshpërimin tënd. I mbytur nga dështimet e tua kërkon të kapesh pas shkumës. Jo zotëri, se sot për ata qe ti po flet dikur i kishe në krahun tënd dhe të mbronin votat në Farkë e gjetkë që ju zotëri dështimi i dini shumë mire! Ti nuk mund të hedhësh baltë mbi emrin tim sepse vetë je i zhytur i tëri në llum”, reagon Çyrbja. (D.D/Shuplaka)