Gjykata e Krimeve të Rënda ka shfqur sot pamjet filmike të kamerave të sigurisë nga parkingu i lokalit në Durrës ku u rrëmbye Gazmend Çollaku. Rrëmbimi i tij ndodhi në datën 6 janar 2016, i cili u torturua dhe më pas u gjet i vrarë në Krujë.
Në pamjet filmike shfaqet Çollaku teksa parkon makinën e tij. Në këto moment i afrohet një mjet tjetër nga ku dalin disa persona dhe e fusin me forcë në makinë. Pamjet nuk janë shumë të qarta pasi objektivi është në distancë të largët. Por nuk dallohen dot fytyrat e persoave të tjerë, ata që e rrëmbyen.
Kujtojmë që në seancën e kaluar gjyqësore për rrëmbimin dhe vrasjen e Gazmend Çollakut janë paraqitur analizat e gjakut të gjetur në makinën ku ndodhej viktima dhe rezulton se nuk i përket asnjërit prej të dyshuarve, as Denis Shtrazës dhe as Ervin Dalipajt (i ndjerë).
Për vrasjen dhe më pas zhdukjen e Gazmend Çollakut aktualisht ndodhet i arrestuar vetëm Denis Shtraza. Pritet që në shtator të zhvillohet seanca e rradhës. (J.V/Shuplaka)
