Dekriminalizimi, Kolegji Zgjedhor shqyrton këtë të premte “Tahirin”

Kolegji Zgjedhor do të shqyrtojë këtë të premte padinë e Dashamir Tahirit , një prej dy deputetëve për të cilët KQZ vendosi heqjen e mandatit.

Deputeti Dashamir Tahiri kërkon shfuqimin e vendimit të Komisionit Qendror të Zgjedhjeve për heqjen e mandatit. Pak ditë më parë, ai dërgoi çështjen për shqyrtim në Gjykatën Administrative.

Mësohet se relator i çështjes së Dashamir Tahirit do të jetë Astrit Kalaja. Ndërsa mes anëtarëve të trupit gjykues janë Gjin Gjoni, Ridvand Hado dhe S. Lubonja.

Komisioni Qendror i Zgjedhjeve vendosi më 29 dhjetor për heqjen e mandatit të deputetit në një votim me tre votat kundër të demokratëve. Deputeti që iu bashkua PD-së, ishte një prej emrave për të cilët Prokuroria komunikoi se prekeshin nga dekriminalizimi. (XH.A/SHUPLAKA)