Ambasadori amerikanë në Kosovë, Greg Delawie, ka vlerësuar rolin që Kosova ka luajtur në luftën kundër terrorizmit. Ai shprehet se çështja e terrorizmit është shqetësuese sepse nuk i përket vetëm Ballkanit, as vetëm Kosovës, por është çështje që shqetëson edhe Shtetet e Bashkuara të Amerikës.
Në intervistën për “RTV Dukagjinin”, ambasadori amerikan se Kosova është arsyea që më 12 nëntor në Elbasan nuk ka pasur viktima. Ai tha se si rezultat i veprimeve të Policisë së Kosovës, komploti terrorist u prish plotësisht.
“Elementi më mbresëlënës në këtë tregim ka të bëjë me atë që ndodhi në nëntor në ndeshjen e futbollit ndërmjet Izraelit dhe Shqipërisë – që fillimisht ishte menduar të luhej në Shkodër, por u bart në Elbasan. Si rezultat i veprimeve të Policisë së Kosovës dhe agjencive qeveritare të Kosovës, komploti terrorist u prish plotësisht. Ka pasur gjasa që të ketë shumë viktima nga ai sulm. Më bëri përshtypje që Izraeli e mundi Shqipërinë 3:0, por të gjithë ishin fitues, sepse të gjithë shkuan gjallë në shtëpi. Kjo ndodhi për shkak të veprimeve që zyrtarët e Qeverisë së Kosovës dhe partnerët e tyre në rajon i ndërmorën për t’i mbrojtur ato jetë’’, u shpreh ai.
Në vijim Delawie theksoi: “Ne kemi një partneritet me Kosovën, përkitazi me këtë. Kosova i ka miratuar disa ligje të rëndësishme, ka burgosur njerëz, kurse numri i atyre që shkon në Irak dhe Siri për të luftuar, ka rënë tepër shumë.” (XH.A/SHUPLAKA)
Discussion about this post