Elsid Dapi nuk është një person si gjithë të tjerët. Ai është 1.97 cm i gjatë, ndaj dhe një raport mjekësor i bën të detyrueshëm mospërdorimin e rripit të sigurisë në makinë. Megjithatë ai është drejtuar emisionit “STOP” për të treguar se është gjobitur, pasi një police e gjeti pa rrip sigurie.
“Isha duke udhëtuar pranë sheshit “Wilson” dhe më ndaloi një police dhe për arsye të rripit të sigurimit, më vlerësoi me masën e gjobës. Kam nga mjeku i familjes një letër, ku nuk mund ta vendos rripin sepse jam 1.97 cm i gjatë”, rrëfen ai.
“Ia tregova raportin, por ajo e vendosi sërish gjobën”, shton i riu.
Eksperti rrugor Gëzim Hoxha, duke cituar Kodin Rrugor shpjegon se rasti i Elsid Dapit, me gjatësi mbi 1.90 cm, hyn në ato raste përjashtimore, kur nuk përdoret rripi i sigurisë, që më shumë do ta dëmtonte, sesa mbronte.
“Rripi i sigurimit është një pajisje në automjet që shërben për të ruajtur jetën e qytetarit. Bëjnë përjashtim: Policia kur është në shërbime speciale, zjarrëfikësit, autoambulancat”, tregon eksperti.
Kush janë personat që përjashtohen nga kjo masë e vendosjes së rripit të sigurimit?
Këtu bëjnë pjesë personat që janë me shtatlartësi mbi 1.90 cm. Sepse i bie që këta njerëz ta kenë rripin në qafë dhe në vend që t’i mbrojë, kthehet në rrezik për jetën e tyre.
Po kështu bëjnë përjashtim ata që janë më të shkurtër se 1.34 cm dhe gratë shtatzëna. (A.R/SHUPLAKA)
