Situata politike midis PS-së dhe LSI-së po vijon të jetë e nderë edhe në bazë. Deklaratat e Metës se pa opozitën nuk futet në zgjedhje dhe nuk ka koalicion me PS-në duket se nuk i kanë pëlqyer as deputetit socialist Namik Kopliku.
Ku i fundit ka deklaruar se Meta me deklaratat e tij ka fyer rëndë elektoratin e majtë. Nuk është hera e parë që Kopliku mban qëndrime të kundërta për bashkëpunimin me LSI-në.
‘’PS dhe LSI duhet të dalin veçmas në zgjedhjet parlamentare. Ilir Meta me deklaratën e tij ka tradhtuar jo PS por elektoratin e majtë të 2013-ës”, ka thënë Kopliku.
Për sa i përket protestës së opozitës, deputeti socialist tha se është një bllokim me sebepe të kota.
Para tij, deputeti socialist Vladimir Kosta kërkoi që PS-LSI të hyjnë veçmas në zgjedhje.
Ndërkohë që palët ditën e sotme do të na japin një panoramë më të qartë të qëndrimeve të tyre në seancën e Parlamentit. (E.K/SHUPLAKA)
