Në një kohë që deputetët e Partisë Demokratike janë shpërndarë në zonat e tyre dhe kanë “bojkotuar” punimet e Komisioneve Parlamentarenjëra prej deputetve nuk ka mbajtur këtë qëndrim. Bëhet fjalë për ish-kryetaren e Kuvendit dhe ish-nënkryetaren e PD-së, Jozefina Topalli, shkruan një portal online.
Kjo e fundit ka qenë e vetmja përfaqësuese e opozitës në Komisionin e Punëve të Jashtme, me gjasa e vetmja opozitare e pranishme në Kryesinë e Kuvendit. Po kështu të gjithë demokratët e tjerë munguan sot dhe në mbledhjen e Komisionit të Veprimtarive Prodhuese, duke lënë maxhorancën që të shqyrtojë e vetme raportin vjetor të Entit Rregullator të Ujit dhe duke e shndërruar në një seancë “promovuese dhe suksesi”. (J.V/Shuplaka)
