Ministri i Transportit dhe Infrastrukturës, Sokol Dervishaj, ka vijuar inspektimet e tij në akset rrugore në këto ditë të ftohta, këtë radhë në aksin kombëtar Gjirokastër-Sarandë.
Dervisaj i cili ishte vetë i pranishëm u shpreh se gjendja kalueshmërisë është optimal, pavarësisht motit të ditëve të fundit. Sipas tij, në jug nuk ka probleme në qarkullim, ndryshe nga ç’ndodh me Veriun e vendit.
“Ka pasur një reagim të shpejtë dhe gjendja e kalueshmërisë është optimale. Angazhimi është maksimal si nga Ministria dhe drejtoritë rajonale. Jemi në gatishmëri maksimale, por fatmirësisht në Jug s’ka probleme në qarkullim. Edhe Llogaraja dhe rruga e Bregut nuk ka probleme në qarkullim. Disa akse në veri të vendit janë më problematiket. Bashkë me institucione të tjera po koordinohemi për të përballuar situatën. Asnjë aks kombëtar nuk është i bllokuar”, tha ministri Dervishaj. (D.D/Shuplaka)
