Një aksident tragjik ka ndodhur pak minuta më parë në Tiranë, ku një rul e ka përplasur për vdekje shtetasin XH.L 58-vjeç ndërsa Faxweb.al ka mësuar detaje të reja për ngjarjen.
Personi që ka humbur jetën ka qënë duke qëndruar afër shtëpisë në momentin kur është përplasur nga një rul për arsye se përsoni që e drejtonte ka humbur kontrollin e tij.
Drejtuesi i mjetit që shkoktoi aksidentin, ende i paidentifikuar nga burimet, është ndaluar dhe më pas shoqëruar në Komisariat ku edhe po merret në pyetje për ngjarjen.
Ende është e paqartë se kujt i përket mjeti dhe nëse është i ndonjë kompanie private apo shtetërore, teksa informacioni i Policisë së Shtetit nuk tregon shumë detaje.
Policia thotë se ka shkuar në vendin e ngjarjes, dhe po punon për zbardhjen e rrethanave të aksidentit.
Njoftimi i Policisë:
Më datë 15.04.2020, rreth orës 10:10, në rrugën “Ramazan Gaxherri”, mjeti tip fadrom me drejtues shtetasin K.F., 52 vjeç, dyshohet aksidentalisht ka përplasur me pasojë vdekjen shtetasin XH.L., 58 vjeç.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
Edhe pse prej ditësh puna është pezulluar në shumë sektore të biznesit, duket se në Tiranë puna në ndërtim vijon, dhe ka sjellë edhe një ngjarje të tillë të rëndë në këtë ditë karantine.
(F.GJ/FAXWEB.AL)
Discussion about this post