Kryebashkiaku i Shkodrës Benet Beci ka reaguar pas lajmit që qarkullon në media për dorëheqjen e tij dhe paraqitjen në SPAK. Ai është shprehur se është thirrur normalisht, ka dhënë shpjegime dhe kush nuk ka punë tjetër le të merret me llafe. Sipas tij, asgjë nuk e ndal punën që ka nisur për zhvillimin e Shkodrës…
“Ne vazhdojmë punën, sigurisht jam paraqitur për të dhënë shpjegime normalisht. Kush do të merret me llafe të merret me llafe, mendoj se kryesorja është që ne të vazhdojmë investimet, punët. Shkodra nuk ka të ndalur në rrugën që ka marrë.”
Deklaratat, Beci i bëri gjatë inspektimeve që po kryen ndërmarrja e shërbimeve dhe punëve publike të Bashkisë Shkodër në bashkëpunim me Ujesjellës Kanalizime për pastrimin e kolektorit nga Perashi në drejtim të zonës së Draçinit, i cili rrezikonte qytetin sa herë kishte reshje intensive shiu.
