Dhoma Amerikane e Tregtisë në Shqipëri, Shoqata Gjermane e Industrisë dhe Tregtisë dhe Dhoma Ndërkombëtare e Tregtisë kanë dalë me një deklaratë të përbashkët lidhur me situatën politike në vend.
Në këtë deklaratë thuhet se po ndiqet me shqetësim të thellë gjithçka duke treguar se shumë anëtarë të tyre kanë kanë shprehur frustrim lidhur me pasigurinë politike.
Ato shprehen gjithashtu se situate politike në të cilën ndodhet vendi ynë ndikon drejpërdrejt negativisht në klimën e biznesit dhe ekonominë shqiptare.
“Ne i bëjmë thirrje të gjitha partive politike që të gjejnë një zgjidhje për këtë situatë. Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”, shkruhet ndër të tjera në deklaratë.
Deklarata e plotë:
Deklaratë e Përbashkët mbi Situatën Politike në Shqipëri Joint Statement on Political Situation in Albania
Dhoma Amerikane e Tregtisë në Shqipëri (AmCham), Shoqata Gjermane e Industrisë dhe Tregtisë në Shqipëri (DIHA) dhe Dhoma Ndërkombëtare e Tregtisë (IÇ) po ndjekin me shqetësim të thellë situatën aktuale politike në Shqipëri. Shumë nga anëtarët tanë kanë shprehur frustrim lidhur me pasigurinë politike që po ndikon drejpërdrejt negativisht në klimën e biznesit dhe ekonominë shqiptare.
Ne i bëjmë thirrje të gjitha partive politike që të gjejnë një zgjidhje për këtë situatë. Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare. Komuniteti ynë i biznesit kërkon fuqishëm që të gjithë palët e përfshira – veçanërisht Qeveria dhe Opozita – të veprojnë me përgjegjësi dhe të bëjnë çdo përpjekje për t’i dhënë fund ngërçit politik në dobi të stabilitetit në vend.
Një deklaratë e tillë vjen në një kohë kur tensionet politike në vend janë në rritje dhe data e përcaktuar e zgjedhjeve afrohet ndërkohë. Nga ana tjetër ditët e fundit liderët politik dhe shtetërorë kanë shprehur qëndrimet e tyre lidhur me krizën politike dhe zgjedhjen e saj, ku kryeministri Rama ka dërguar tre letra në dretjim te kryedemokratit Basha duke i kërkuar zhvillimin e një dialogu pa kushte ndërsa ky i fundit i ësjhtë përgjigjur prerazi se nuk ka dialog pa largimin e Ramës.
Vetëm disa minuta më parë edhe kreu i shtetit, Ilir Meta ka bërë therrje ndaj klasës politike që të shkohet drejt një marrëveshjeje duke ofruar edhe opsionet e tij pë zgjidhjen e krizës.
(F.GJ/FAXWEB.AL)
