Abuzimi ndaj Xhisiela Malokut, nga Rexhep Rraja, djali i deputetit socialist Rrahaman Rraja, ka nxitur mjaft reagime në media dhe rrjetet sociale.
Pas publikimit të ekpertizës Mjeko-ligjore për Xhisiela Malokun, e cila rezultoi se ishte dhunuar me mjete të forta dhe ka shenja të djegies me cigare, ka reaguar dhe Joleza Koka.
Ish kryetarja e FRESSH dhe këshilltarja e Partisë Socialiste në bashkinë e Tiranës, Joleza Koka ka mbështetur denoncimin e vajzës dhe sipas saj akoma askush nuk ka guxim ti afrohet çunit të babit.
Postimi i plotë
Ka ndodhur 35 vjet më parë!
Ka bërë një padrejtësi kur ishte adoleshent e megjithatë sot shteti amerikan është ngritur në këmbë në kërkim të së vërtetës.
Emri i kandidatit për gjykatën e lartë në USA, Brett Kavanaugh është në të gjitha mediat ndërkombëtare.
E gjithashtu politikanë, gazetarë, aktivistë, e gjithë bota është duke shprehur solidaritet dhe përgëzon guximin dhe kurajon e zonjës Ford e cila e ka denoncuar.
Në po të njëjtën ditë në vendin tonë, publikohet ekspertiza mjekoligjore, janë gjurmët e dhunimit akoma mbi trupin e një vajze që ska bër asnjë faj dhe askush nuk ka guxim ti afrohet çunit të babit.
(M.Q/Faxweb)
Discussion about this post