Presidenti Meta në konferencën e mbajtur pas samitit të Procesit të Brdo-Brijunit, komentoi dhe protestat e zhvilluara në Tiranë kundër Dodik dhe Vuçiçit. Meta tha se lideri i serbëve të Bosnjes kishte mbetur i kënaqur me pritje, dhe po mendonte të kthehej sërish në vendin tonë për turizëm.
“Atmosfera ka qenë mjaft pozitive dhe konstruktive, sikur e shprehja, arritja e Prespës është historike, të gjithë do të donim që edhe dialog Kosovë-Serbi të kishte përfunduar, por e thashë por nëse do të kishte ndodhur menjëherë me Prespën dikush mund të na ngatërronte duke menduar se ishim në Beneluks dhe jo në rajon.
Por kemi angazhim të përbashkët për paqen dhe perspektivën europiane dhe vullneti për ti zgjidhur të gjitha cështjet përmes dialogut. Samiti ka një format të përcaktuar dhe Dodik ka qenë i ftuar dhe mirëseardhur si president i radhës i Bonjës, besoj se ka mbetur i kënaqur, ishte hera e parë që vinte në Tiranë dhe ka premtuar se do të vijë edhe për turizëm, pasi kishte dëgjuar për mikpritjen shqiptare”, u shpreh Meta.
Presidenti ka komentuar dhe marrëveshjen mes Serbisë dhe Kosovës: Dialogu Kosove-Serbi duhet të kishte perfunduar qysh dje, as sot e as nesër. Ne samit u nenvizua angazhimi i perbashket per te forcuar me tej dialogun dhe procesin e pajtimit ne rajon, bazuar ne te verteten, besimin dhr zbatimin e te gjitha marreveshjeve te arritura. Dua të nënvizoj rëndësinë që ne i kushtojmë angazhimit të Serbisë dhe Kosovës për të vazhduar dialogun, por do të jetë më e posaçme në samitin në Paris, i inkurajommë palët që me ndërmjetësinë e KE të përqëndohen për të arritur marrëveshje të zbatueshme.
(E.K/Faxweb.al)
Discussion about this post