Ka filluar në Selanik gjyqi ndaj shtetasit shqiptar James Klodi Lesi i cili nj vitë më parë ai vrau bashkëshorten e tij greke dhe më pas për 17 ditë rrëmbeu një prej djemve të tij të mitur për t’iu fshehur policisë.
Akuzat ndaj 35-vjeçarit janë vrasje me paramendim, armëmbajtje pa leje, përdorim arme si dhe për vënie në rrezik të jetës së një të mituri.
Por pa filluar seanca gjyqësore, gjyqi ndaj 35-vjeçarit shqiptar është ndërprerë pasi avokati i tij mbrojtës, Aleksis Kujas, (ka në dorë edhe çështjen e Klement Balilit), ka kërkuar shtyrjen e gjyqit për arsye pune. Kërkesa e avokatit nuk është pranuar dhe kjo ka bërë që ai të japë dorëheqjen nga çështja.
Pas gjithë kësaj situate, të pandehurit nga ana e gjykatës i është dërguar një avokat i ri, ndërsa gjyqi do të rifillojë me 2 mars.
Vrasja e kryer nga Lesi në janarin e vitit 2016 tronditi Greqinë dhe ishte në fokus të mediave greke për shumë ditë me radhë.
Ngjarja ndodhi në fshatin Ormilia të Halidhikisë, 100 km në lindje të Selanikut.
35-vjeçari shqiptar, që ishte divorcuar tre muajt e fundit nga bashkëshortja e tij greke dhe kishte pasur konflikte me të për ndarjen, hyri në shtëpinë ku banonte viktima dhe dy djemtë e tyre, të moshës 5deri në 7 vjec dhe e vrau atë para syve të tyre, duke e goditur disa herë me thikë. Autori, pasi mori vetëm një prej fëmijëve, u zhduk për tre javë derisa u gjet nga policia greke ku dhe u vu nën pranga.
(M.D/ Shuplaka)
Discussion about this post