Pas arrestimit të kryetarit të Bashkisë së Tiranës, Erion Veliaj, Fax News ka siguruar dosjen hetimore, ku bëhet fjalë për hetimet e SPAK, që provojnë faktin se Elman Abule për të përfituar leje ndërtimi në Bashkinë e Tiranës, i ka ofruar para të ndryshme kompanive që “de facto” dhe “de juro” kontrolloheshin nga Ajola Xoxa.
Në qendër të kësaj skeme korrupsioni, rezulton të jetë kryetari i Bashkisë së Tiranës, nënshkrimi i të cilit ka qenë determinant për shpërndarjen e fondeve publike, prej të cilave ai dhe familjarët e ngushtë të tij kanë përfituar drejtëpërsëdrejti në mënyrë të parregullt.
Sipas dosjes hetimore, të zbardhur nga gazetarja Vanesa Rrahmani, thuhet se Veliaj dhe Bashkëshorjta e tij Ajola Xoxa, përmes shoqërive, ‘Partners Law shpk’, ‘Arts Lab shpk’, ‘Ava studio shpk’, ‘Nan Gallery shpk’, ‘Byl al’, ‘Harabel OJF’, ‘Eventus OJF’, dhe ‘Muza OJF’, kanë gjeneruar të ardhura të cilat kapin shifrën e 1.1 miliardë lekë.
Më tej Ajola Xoxa, në një periudhë kohore prej 6 vitesh, ka bërë blerje online të cilat konsistojnë në veshje personale, fustane, bluza, çanta, funde, pallto, produkte kozmetike etj, në shumën 86 milion e 621 mijë lekë.
