Dyshimet e forta për vdekjen e Bukurosh Malajt, i vëllai: Dëmtimet i kishte në anën e majtë të kokës, makina e padëmtuar

Bukurosh Malaj, biznesmeni vlonjat që u nda nga jeta pak ditë më parë në Vlorë, ka lënë pas hije të shumta dyshimi.

Kjo pasi familjarët hedhin akuza të forta në lidhje me vdekjen e tij. Ata nuk e pranojnë versionin se vdekja ka qenë aksidentale.

Sakaq vëllai i të ndjerit Milto Malaj thotë sot se makina nuk ka pasur asnjë shenjë përplasje, që të mund të kishin shkaktuar dhe vdekjen e Bukuroshit.

“Makina nuk ka asnjë dëmtim. Vajza që ishte me të në makinë nuk ka treguar të vërtetën në Polici. Vëllai dëmtimet i kishte në anën e majtë të kokës, nëse do të ishte aksident dëmtimet do të ishin në anën e djathtë.

Vëllai im ishte shofer, pse duhet të ishte në vendin e pasagjerit? Vëllai ka marrë kërcënime të shumta, ndaj dyshojmë se është vrarë”, janë vetëm disa nga pikëpyetjet që ngre vëllai i viktimës.

Kujtojmë se vajza që e shoqëronte Maljan ishte 19 vjeç, ndërkohë që në Polici ka thënë se viktima ishte goditur nga një kamion. Nga ana tjetër ajo është arrestuar dje nga Policia pasi dhe nëse ka treguar të vërtetën, drejtimin e makinës e bënte pa patentë.

(E.K/SHUPLAKA)