Qindra qytetarë të Kukësit janë paraqitur në urgjencën e spitalit rajonal brenda 24 orëve.
Gazetari i “Fax News” Bekim Lekica raporton se janë mbi 200 pacientë që kanë kërkuar ndihmë mjekësore pasi kanë pasur shumë komplikacione si helmime, të vjella dhe të dridhura në trup.
Kjo situatë alarmante ka nisur që nga dita e shtunë dhe dyshohet se qytetarët janë helmuar nga konsumimi i ujit të pijshëm.
Ndërsa prokuroria dhe policia kanë nisur hetimet për të zbuluar shkakun e këtyre rasteve, sot pritet që të dalin rezultatet e analizave. Kujtojmë se ditën e djeshme kryebashkiaku i Kukësit Safet Gjici deklaroi se nuk ka asnjë problem dhe se uji është përzier me ujin vaditës, e nga ana tjetër qytetarët janë të panikosur aq sa po shmangin konsumin e ujit nga çezmat në shtëpi.
