Në orët e para të mëngjesit të sotëm, rreth orës 02:20, në aksin rrugor Fier-Lushnje, në fshatin Savër, është përplasur automjeti tip “Benz” me drejtues shtetasin E.Gj, 29 vjeç, banues në Pirrë, Lushnje, me automjetin tip “Benz” me drejtues shtetasin Idajet Toshkëllari, 64 vjeç, banues në Rrapëz, Lushnje.
Për pasojë kanë ndërruar jetë shtetasi Idajet Toshkëllari dhe pasagjerja që ndodhej me të në mjet. Ndërsa Policia njofton se ka bërë identifikimin e shtetases që ka ndërruar jetë.
Eshtë shoqëruar shtetasi E.Gj dhe po kryen veprimet proceduriale për arrestimin e tij. Viktima është shtetasja H.H, 62 vjeçe, banuese në Lushnje ku burime për Faxwb.al bëjnë me dije se është Hatixhe Hatia.
Grupi hetimor po punon për zbardhjen e plotë të kësaj ngjarje.
