“E lejmë për nesër?”, rrjeti tallet me Veliajn për Novruzin: Dy gëzime në një ditë (FOTO)

Besimtarët bektashianë festojnë sot ditën e Sulltan Novruzit, një ndër më të rëndësishmet për ta. Ceremonia kryesore është mbajtur në Tiranë, në Kryegjyshatën Botërore të Bektashizmit dhe fjala kryesore është mbajtur nga kryegjyshi botëror, Dedebaba Haxhi Mondi.

Shtyrja e festimeve për Ditën e Verës nga kryebashkiaku i Titanës, Erion Veliaj, me pretendimin se më 14 mars mund të bjerë “shi me gjyma”, dhe dështimi në këtë parashikim, ka bërë që rrjeti të mos i kursejë memet ndaj Veliajt.

Madje ka patur edhe nga ata që kanë bërë ironi duke thënë se meqë Veliaj shtyu Ditën e Verës pse të mos shtyhet edhe kjo festë për ditën e nesërme qëtë bëhen “dy gëzime bashk’.

Kjo për shkak se kryebashkiaku ka paralajmëruar para pak ditësh se ditën e nesërme në Sheshin Nënë Tereza në Tiranë, ai do të bëjë hapjen e fushatës elektorale për zgjedhjet lokale të qershorit ku ai do të rikandidojë dukë ftuar të gjithë qytetarët të marrin pjesë në këtë aktivitet me gjithë familjarët e tyre.

Aktivisti i cili njihet si njeriu i memeve, ka postuar në rrjetet sociale një fotografi të Veliajt me drejtuesin e Kryegjishatës së bektashionjve duke e shoqëruar me komentin: “E lejmë për nesër? Dy gëzimë në një ditë”.

Besimtarët bektashianë festojnë sot ditën e Sulltan Novruzit, një ndër më të rëndësishmet për ta. Ceremonia kryesore është mbajtur në Tiranë, në Kryegjyshatën Botërore të Bektashizmit dhe fjala kryesore është mbajtur nga kryegjyshi botëror, Dedebaba Haxhi Mondi.

Kujtojmë se gjatë ditës së sotme, kryetarja e partisë Lëvizja Socialiste për Integrim, Monika Kryemadhi gjatë një vizite që zhvilloi me Dedebaba Haxhi Mondi, uroi të gjithë shqiptarët me rastin e kësaj feste.

Ajo nuk ka dashur të japë komente për situatën politike në Shqipëri por e pyetur nga gazetarët për rikandidimin e Erion Veliaj për Kryetar Bashkie në Tiranë ajo shprehet: “I uroj Erionit suksese sot në këtë ditë Novruzi, flasim pas ditës së nesërme.”(lexo këtu)

Vizita në Kryegjyshatën Bektashiane bënë edhe kreu i grupit parlamentar i Partisë Socilaiste, Taulant Balla si dhe Presidenti Ilir Meta i cili nuk pranoi të bënte asnjë deklaratë për mediat.

(F.GJ/FAXWEB.AL)