Ditën e djeshme vëllezërit Armando dhe Agron Duka humbën nënën e tyre, zonjën e nderuar Vajdie, e cila për shkak të situatës së pandemisë, nuk do të përcillet në banesën e fundit, sipas nderimeve dhe zakoneve shqiptare.
Ka qenë vetë Agron Duka ai që ka dhënë lajmin e trishtë të humbjes së nënës, dhe më pas të shumta kanë qenë mesazhet e ngushëllimit në drejtim të familjes durrsake.
Por ajo që nuk kishte si të mos binte në sy, ishte një ngushëllim gjysmak, i Erion Braçes, i cili duket se nuk i ka harruar inatet e vjetra që ka me kreun e FSHF-së.
Në një postim në Instagram, ai ngushëllon Agron Dukën, dhe në asnjë moment nuk e përmend vëllain tjetër të familjes, që po ashtu ka humbur nënën e shtrenjtë.
“Gon Duka eshte nje mik i mire, ne cdo kohe, ne te mire e ne veshtiresi!
Sot ka humbur nenen e tij te shtrenjte, ate qe ndicoi me dijen dhe edukimin e brezave te tere!
Ndodhi ne nje kohe kur njerezit jane vetem, ndersa kane kaq shume nevoje per njerez!
Mik i mire, nuk je vetem! Ngushellime per nenen e shtrenjte e ta kujtoni per mire cdo cast!”, shkruan Braçe në postimin që duket se ka tërhequr dhe vëmendjen e komentuesve.
“Zotri @erionbrace mir do ishte me i shpreh ngushllime edhe @armand_dukes, inatet personale nuk duhet te bejne pjese ne keto raste! Shendet e gjitha tmirat nga Llapjani”, është njëri nga komentet më domethënëse në faqen e Braçes.
Braçe dhe Duka i FSHF-së janë përplasur vazhdimisht mes tyre, dhe shkak për këtë është bërë diskriminimi që sipas zv.kryeministrit i ka bërë FSHF ekipit të Partizanit. Më pas akuzat e tyre kanë vijuar edhe personale, me akuza për fshehje pasurie apo të tjera si këto.
(E.K/Faxweb.al)
