40 viktima nga 70 raste të prekurish numërohen deri tani në Brazil si pasojë e epidemisë së “Etheve të Verdha”.
Mësohet se Ministria braziliane e Shëndetësisë ka porositur 11.5 milionë doza të vaksinës për të luftuar këtë sëmundje.
Ndërkohë që 300 raste janë ende duke u hetuar nëse janë prekur ose jo, bëhet e ditur se numri më i madh i viktimave janë shënuar në zonat rurale të shtetit Minas Gerais. Epidemia e “Etheve të Verdha” shkaktuar nga mushkonjat, mundet të shoqërohet me pasoja fatale.
Simptomat më të zakonshme të saj janë: ethet, të vjellat dhe dhimbjet në pjesë të trupit. Kur përkeqësohet, sëmundja mund të çojë në mosfunksionimin e organeve të veshkave, mëlçisë, si dhe gjakderdhje. (XH.A/SHUPLAKA)
