Një fabrikë e përpunimit të mishit të derrit në Misuri të Shteteve të Bashkuara të Amerikës është kthyer në një vatër infeksioni me koronavirus.
Në fabrikën “Triumph Foods” punojmë më shumë se 2,800 punëtorë, nga të cilët 13% janë konfirmuar tashmë me koronavirus.
Por një fakt i çuditshëm është se nga 373 punonjësit e konfirmuar pozitivë me COVID-19 asnjëri nuk ka shfaqur simptoma.
“Të gjithë punonjësve që kanë rezultuar pozitivë u është kërkuar të izolohen në shtëpi. Ata do të vazhdojnë të paguhen sipas politikave për situatën e pandemisë”, tha drejtori i përgjithshëm i kompanisë Mark Campbell.
“Ne do të vazhdojmë të testojmë personat e kontaktit me këta punonjës për të identifikuar të gjithë të prekurit”, është shprehur Randall Ëilliams, drejtor i shëndetit në Misuri.
Shefi i Institutit amerikan për Sëmundjet Infektive, Dr Anthony Fauci, është shprehur më herët se 25% deri në 50% e të prekurve me Covid-19 nuk shfaqin simptoma, edhe pse ata mund të përhapin virusin.
