Dy persona të maskuar kanë tentuar të vjedhin një pikë Western Union. Ngjarja ka ndodhur në qytetin e Fierit ditën e mërkurë, raporton Fax neës.
Mësohet se rreth ores 17:00, dy persona të armatosur e të maskuar kanë tentuar të vjedhin një pikë Western Union në qendër të qytetit të Fierit, në sheshin Nënë Tereza, pranë godinës së ish-universitetit Kristal.
Nga burime të policisë mësohet se dy personat e maskuar e të armatosur me pistoleta kanë hyrë në pikën e Western Union dhe kanë kërcënuar dy punonjëset(femra), të cilat kanë mbyllur derën e kthinës ku ndodhej kasaforta dhe kanë aktivizuar sinjalin e alarmit të sigurisë.
Dy autoret u kanë drejtuar armën punonjëseve dhe kanë qëlluar me shkelma derën e banakut, por më pas janë larguar për shkak të aktivizimit të alarmit të sigurisë.
Mësohet se janë sekuestruar kamerat e sigurisë, por ka qenë e pamundur të identifikohen autorët pasi kanë qenë të maskuar.
(F.M/Faxweb)
