“Financial Times” hedh dyshime, Conte përfshihet në skandalin financiar të Vatikanit

Giussepe Conte, kryeministri i Italisë dyshohet të jetë në qendër të një hetimi për korrupsion financiar.

“Financial Times” ka hedhur dyshimet e lidhjes së mundshme të kryeministrit italian Giuseppe Conte me skandalin financiar që pak javë më parë përfshiu Vatikanin e që çoi në pushimin nga puna të 5 funksionarëve të lartë administratës Financiare të Sekretarisë së Selisë së Shenjtë.

Skandali financiar mbi të cilin po heton magjistratura Apostolike ka të bëj me përdorimin abuziv të fondeve të dhuruara nga besimtarët në mbështetje të misonit të Kishës.

Finanacial Times shkruan se “një fond investimesh mbështetur nga Vatikani e që aktualisht po hetohet për korrupsion financiar, ishte baza e një grupi investitorësh që punësuan Giuseppe Conte me rolin e konsulentit ligjor vetëm pak javë para se të bëhej kryeministër.”

Conte ishte një akademik pak i njohur me seli në Firence, kur u punësua në maj 2018 për të dhënë një mendim juridik në favor të Fiber 4.0, një grup aksionarësh të përfshirë në një luftë për kontrollin e Retelit, një kompani italiane e telekomunikacionit vitin e kaluar.

Por aksionistët e shoqërisë Retelit preferuan të votojnë pro dy investitorëve të huaj duke lënë jashtë grupin e investitorëve italianë.

Në konsulencën e tij ligjore avokati Conte shkruan se kjo votë mund të anullohet vetëm nëse qeveria italiane ushtron të ashtuquajturën normativë Golden Poëer” (fuqia e artë) e cila në bazë të ligjit të vitin 2012 aplikohet ga shteti italian ndaj kompanive private të konsideruar me rëndësi strategjike kombëtare.

Me një notë zyrtare të shpërndarë gajtë natës duke u gdhirë data 28 tetori 2019, zyra e kryeministrisë italiane ka reaguar ndaj artikullit të Financial Times duke nënvizuar “se gjatë vendimit të marrë nga këshilli i ministrave më 7 qershor 2018, për ushtrimin e “Golden Poëer” ndaj Retelit, kryeministri Giuseppe Conte nuk ka qënë i pranishëm në këtë mbledhje pasi ishte i impenjuar në samitin e G7 në Kanada. Kryeministri Conte nuk ka asnjë raport, nuk e ka takuar e nuk e njeh zotin Raffaele Mincioni. Ishte puënsuar për të dhënë një konsulencë ligjore e nuk kishte dijeni se ky grup aksionistësh kishin si referencë një fond investimesh mbështetur nga Vatikani”, përfundon nota zyrtare e Kryeministrisë Italiane.