Pas shpëtimit të 4 peshkatarëve në det të hapur, kapiteni i tragetit Vlorë-Brindis, Petrit Agaj ka zbuluar për Fax News disa detaje nga gjetja e tyre.
Agaj tha se nëse ata do ishin vonuar, nuk do të gjenin gjallë asnjë nga peshkatarët. Ndër të tjera kapiteni thekosi se askush nuk i kishte lajmëruar për avarinë e peshkatarëve në det të hapur.
“ Dalluam një grup persionash menjëherë bëmë manovrën. Nese do ishim vonuar, nuk do i gjenim te gjallë. S’kemi parë asnjë mjet në det. Ne kemi lajmëruar kapitenerinë e portit. Askush s’na ka lajmeruar ne. Peshkatarët në det prej më shumë se 6 oresh. Është fat që i gjetëm të gjallë. Nese do ishim vonuar, nuk do i gjenim të gjallë”, thekson ai.
Kujtojmë që katër peshkatarët K.K, 65 vjeç, M.N, 54 vjeç, E.N, 20 vjeç dhe M.J, 19 vjeç u shpëtuan nga trageti i linjës Vlorë-Brindisi, pas 4 orëve pritjeje në det. Peshkatarët kanë arritur të shpëtojnë falë ndërhyrjes së punonjësve të tragetit, të cilët i kanë marrë menjëherë në bord.
Policia menjëherë pas ngjarjes njoftoi se Rojet Bregdetare dhe të Delta Force, nën orientimin e QNOD Durrës kishin nisur kërkimet e tyre në zonën detare përreth, por nuk u bë e mundur gjetja e tyre.
“Shpëtohen 4 shtetas të cilët rrezikuan të mbyteshin në det me një anije peshkimi.
Më datë 04.11.2018, në orën 02:08, jemi njoftuar për ndihmë se mjeti lundrues peshkimi “Vasili LN” po rrezikon të mbytet në det pranë ishullit të Sazanit.
Menjëherë u njoftuan shërbimet përkatëse të cilët dolën me mjete lundruese të Rojes Bregdetare dhe të Delta Force, nën orientimin e QNOD Durrës me qëllim për t’ju ardhur në ndihmë këtyre shtetasve por pas kontrolleve dhe kërkimeve të tyre në zonën detare përreth nuk u bë e mundur gjetja e tyre”, shkruante policia në njoftim.
(J.D/Faxweb.al)
Discussion about this post