Fluksi i madh te aksi Tiranë-Gjiri i Lalsit. Policia: Si po devijohet trafiku

Aksi rrugor “Tiranë-Gjiri i Lalsit” është bllokuar ditën e sotme nga fluksi i madh i automjeteve. Shumë qytetarë nga kryeqyteti kanë zgjedhur ta kalojnë të dielën në plazh, por kanë mbetur të bllokuar në trafik.

Policia Rrugore  po bën devijimin e trafikut nga aksi Hamallaj-Perlat-Sukth.

NJOFTIMI

Policia Rrugore njofton se aksi rrugor Tiranë – Gjiri i Lalzit e anasjelltas  është i mbingarkuar.

Ka fluks të madh lëvizjesh të automjeteve.

Janë të lutur drejtuesit e automjeteve të cilët kanë destinacion të ndryshëm nga Gjiri i Lalzit për të mos u bllokuar dhe për të lehtësuar sadopak trafikun të zgjedhin aksin Tiranë- Ndroq- Plepa- Durrës.

Ndërsa në akset rrugore Lezhë- Shengjin, Shkodër – Velipojë;

Fier dhe Vlorë situata e trafikut është mbi normalen e javës por nuk ka probleme. (J.V/Shuplaka)