Magazina e njohur amerikane “Foreign Policy” në një shkrim të saj kushtuar asaj se çfarë po ndodh mes Kosovës dhe Serbisë ku po flietet edhe për ndryshim kufijsh, thotë se kjo ide çon në katastrofë.
Artikulli ka si autor Michael Rossi, profesor universitar. Sipas tij këto ide nuk sjellin paqe dhe me më shumë ka gjasa të rikthehet gjakderdhja që e kishte pllakosur Ballkanin në vitet 90-të.
Aktualisht, sovraniteti i Kosovës është kundërshtuar nga Serbia, e cila gëzon mbështetje nga anëtarët e Këshillit të Sigurimit Rusia dhe Kina; pesë vende në BE, duke përfshirë Spanjën dhe Qipron, të cilat kanë probleme separatiste; dhe një numër vendesh të tjera në mbarë botën si India, Brazili dhe Indonezia. Si e tillë, Kosova e gjen veten në një konflikt të ngrirë të ngjashëm me territoret e tjera të diskutueshme si Qiproja Veriore, Nagorno-Karabah, Transnistria dhe Abkhazia. Të gjithë janë funksionalisht të ndarë nga shteti që u larguan, por të gjithë nuk janë në gjendje të marrin sovranitetin de jure”, thuhet në shkrim.
Artikulli flet edhe për një transferim të popullsisë, për të cilën dukuri thotë se nëse ndodh kjo, nuk do të sjellë paqe.
“Ndarja është një mundësi e keqe dhe shumë e rrezikshme, dhe kjo ide prej shumë kohësh ka qenë e refuzuar zyrtarisht nga të gjitha palët, për arsye të shumta”.
“Çdo thirrje për rikufizim kufijsh dhe për të shkëmbyer territorin pothuajse me siguri do të degjenerohej në llojin e dhunës dhe shkëmbimeve kaotike të popullsisë që rrënonte rajonin në vitet 1990. Do të ishte një abdikim i lidershipit për të ftuar kthimin e luftërave të tilla në tokën evropiane”, shkruan magazina e njohur.
“Foreign Policy” thotë se së fundmi, ndarja do të shkatërronte vitet e punës nga Shtetet e Bashkuara dhe fuqitë kryesore të Evropës Perëndimore që kanë dhënë imazhin e hartuar me kujdes të Kosovës për një shoqëri multietnike, si dhe përpjekjet për të bindur bashkësitë serbe dhe shqiptare për të jetuar së bashku.
“Marrëveshjet e mbështetura ndërkombëtarisht midis Beogradit dhe Prishtinës për krijimin e autorizimeve të autonomisë për serbët e Kosovës do të digjeshin”.
“Kërcënimi që sjell korrigjimi i kufijve mund të hapë Kutinë e Pandorës në rajon dhe kjo do t’i inkurajonte serbët në Bosnjë dhe shqiptarët në Maqedoni të kërkonin aranzhime të ngjashme të shkëputjes territoriale dhe bashkimit me të afërmit e tyre etnikë. Po të ndodhte kjo, Foreign Policy thotë se bashkësia ndërkombëtare do të detyrohej të ndërhyjë në Ballkan për të ndalur një tokë të re etnonacionaliste.
Duke iu referuar veriut të Mitrovicës dhe Luginës së Preshevës, në shkrim thuhet se Serbia do të dalë më e fituar nga shkëmbimi i territoreve pasi në veri ndodhet Trepça ose “shtëpia e minierave” dhe Gazivoda. (B.H/Faxweb)
