Gazetari Ben Andoni ka bërë disa deklarata të forta në lidhje me të ndjerin Oliver Ivanoviç i vrarë dje në mëngjes në veri të Mitrovicës. Ai thotë se Ivanoviç ishte i lidhur me mafien serbe atje.
Andoni tha në emisionin “Arena” në Ora Neës,se serbët e kanë vendosur gishtin e fajtorit në mullinjtë që kanë vendosur ata vetë, duke shtuar se Mitrovica u ka dalë jashtë kontrollit.
Andoni: U bë një bisedë i mbrojtur nga ushtarët indianë. Kam parë cinizmin e tij n ndaj nesh që ishte një cinizëm i moderuar. Ai mbrohej nga ushtarët e KFOR-t, por edhe nga shqiptarët. Ishte nga serbët e pakët që mund të lëvizte në Kosovë. Ishte i targetuar nga kosovarët që kishte qenë problematikë. Ivanoviçi ka marrë shumë gjëra në varr që do të mund të merren vesh më vonë.
Hila: Ishte pjesë e asaj mafies së Mitrovicës?
Andoni: Ishte plotësisht pjesë. Serbët përveç Sheshelit që ka retorikë boshe, serbët e kanë vendosur gishtin e fajtorit në mullinjtë që kanë vendosur ata vetë. Mitrovica u ka dalë jashtë dore. Është vendi ku strehohen disa nga kriminelët me eminentë serbë. Konflikti kryesor i Ivanoviç ka qenë me Goran Rakiç njeriu kryesor i Lista Srbska, që menaxhon qëndrimin zyrtar të Beogradit.
Ben Andoni tha gjithashtu se edhe nëse vrasësit janë shqiptarë, porositësit janë serbë. Ai shtoi gjithshtu se në Mitrovicën e Veriut nuk ka paramilitarë serbë por ka njerëz akoma edhe më të këqinj.
Andoni tha gjithashtu se deklarata e familjarëve të Ivanoviç është direkt akuzuese. (B.H/Faxweb)
