Gazetarja e njohur e Abc News tashmë do ta vazhdojë karrierën e saj në një tjetër televizion, në Top Channel. Prej 7 vitesh Merita Haklaj ka qenë pjesë e stafit të televizionit Abc News ku mbulonte politikën.
Vetë gazetarja e ka bërë të ditur këtë largim duke shprehur gjithashtu dhe mirënjohjen për televizionin që i ka ofruar mbështjetjen e duhur gjithë kësaj kohe.
“Nuk kam asnje fjale, vec mirenjohjes per cdo dite ne 7 vite qe kalova ne abc news. Rrugen e vazhdoj nga sot ne Top Channel. Faleminderit per mikpritjen qe gjeta!”- shprehet gazetarja.
Ky sezon nisi me një vrull lëvizjesh në televizione të ndryshme. Emra që kanë punuar prej vitesh në televizion po zgjedhin të zhvendosen diku tjetër. Njëri prej tyre edhe moderatori Eni Shehu, i cili prezantonte emisionin “Edicioni veror” u largua pas 5 vitesh nga Abc News. Largimi i tij erdhi pas ikjes së Armand Shkullakut. Më vonë pas një konflikti u largua dhe gazetari Endrit Xhafo.
