Qeveria e Paolo Gentiloni-t fitoi votat e Dhomës së Deputetëve të Parlamentit Italian me 368 vota pro dhe 105 vota kundër.
Paolo Gentiloni pritet të mbajë postin deri në zgjedhjet e shkurtit të vitit 2018. Pas votimeve të deputetëve italianë, kryeministri i ri premtoi të lëvizë “brenda të njëjtës kornizë” si qeveria në largim e Renzit.
Por ky ishte vetëm testi i parë për Gentilonin. Ai duhet të fitojë edhe pëlqimin e Senatit dhe të mërkurën do të dalë përballë tij.
Megjithatë këtë radhë pritet që shumica të jetë shumë më e vogël.
Listën me emrat e ministrave të rinj, Gentiloni e paraqiti të hënën te presidenti italian.
