Në qytetin e Lezhës, qytetarët po hasin një problem të rëndësishëm siç janë varrezat. Hapsira që i është dedikuar varrimit prej dy vitesh tashmë është mbushur dhe ndërkohë qytetarët në pamundësi të ndonjë vendi tjetër, kanë vijuar me varrosjen e trupave në rrugë.
Qytetarët e Lezhës vijojnë të gjejnë zgjidhje alternative duke hapur varret e reja në hyrje të varrezës, në rrugë.
Ndërkohë Bashkia e Lezhës në lidhje me këtë ngjarje shprehet se ka tentuar në blerjen e një hapsire tjetër, por që prej dy vitesh asgjë nuk është bërë konkrete duke lënë që situata të degradojë deri në këtë gjendje.
Hapsira ku varret ndodhen momentalisht është e vetmja hapsirë publike të cilën Bashkia Lezhë ka. Zgjidhje tjetër veç varrimit të të afërmëve të tyre në rrugë qytetarëve iu ka mbetur të blejnë vetë hapsira toke e për t’i përdorur më pas për varrim.