Gjykata e Krimeve të Rënda ka dhënë vendimin për Arban Djaloshin, i cili u shpall fajtor fajtor për vrasjen e babait, Mirosh Djaloshi. Krimet e Rënda e kanë dënuar Arban Djaloshin me 35 vjet burg.
Ndërsa vëllai i tij Falvio Djaloshi u dënuar si bashkëpuntor në këtë vrasje me 1.6 vite burg. Nëna Bardhe Dajaloshi e ndihmoi djalin të fshehë krimin dhe u dënua me 3 vite burg.
Vetëm disa muaj më parë, me urdhër të Prokurorisë së Durrësit u ndaluan tre anëtarët e familjes Djaloshi, konkretisht bashkëshortja dhe dy djemtë e viktimës. Prokuroria e Durrësit krijoi dyshime se autori i vrasjes së Miroshit gjendej mes familjarëve. Kjo pistë u forcua nga fakti se, gjatë veprimeve hetimore, rezultoi se viktima nuk kishte probleme me persona jashtë familjes. Ndërsa, brenda familjes anëtarët kishin konflikte të vazhdueshme për shkak se Mirosh Djaloshi shkonte shpesh në shtëpi në gjendje të dehur.
Arban Djaloshi ka pranuar para prokurorit të çështjes se është autori i vrasjes së babait të tij, Mirosh Djaloshi, ngjarje e ndodhur në 18 mars 2016 në zonën e Manzës, në Durrës.
Ai ka deklaruar se e ka kryer vrasjen, duke e goditur me sende të forta, për shkak se babai ishte i alkolizuar dhe keqtrajtonte nënën e tij. (J.V/Shuplaka)
Discussion about this post