Gjykata Kushtetuese ka rrëzuar ankimimin e kreut të Bashkisë së Kavajës, Elvis Rroshi, për shkarkimin nga detyra. Gjykata Kushtetuese rrëzoi edhe ankimimin e Elvis Rroshit për formularin e dekriminalizimit.
KQZ i hoqi mandatin kreut të Bashkisë së Kavajës pas kërkesës së prokurorisë. Po kështu edhe kryeministri e shkarkoi nga detyra e Kryetarit të Bashkisë së Kavajës. Elvis Rroshi i humbi të dyja këto kërkesa.
Roshi ishte i pranishëm në seancën e sotme plenare dhe kërkoi që vendimi i KQZ-së për t’i ndërprerë mandatin në kuadër të ligjit të dekriminalizimit të shpallej jo në përputhje me dispozitat e ligjit themeltar të shtetit. Ai kërkoi edhe shfuqizimin e vendimit të qeverisë për shkarkimin e tij.
Por pavarësisht këtye kërkesave të Elvis Rroshit, i cili u shkarkua nga detyra për shkelje të ligjit të dekriminalizimit, Gjykata Kushtetuese vendosi të rrëzojë kërkesën e tij.
Avokatët e Elvis Rroshit thanë se KQZ dhe Këshilli i Ministrave kanë shkelur Kushtetutën kur kanë marrë vendim për shkarkimin e tij nga detyra në fund të muajit dhjetor të vitit të kaluar.
Rroshit iu hoq mandati nga KQZ-ja me kërkesë të Prokurorisë, sipas të cilës, ai kishte fshehur një dënim për përdhunim në Itali në fillim të viteve ’90. Komisioni Qendror i Zgjedhjeve në 29 dhjetor vendosi heqjen e mandatit për dy deputetet Shkëlqim Selami dhe Dashamir Tahiri, si dhe kryebashkiakun Elvis Rroshi, pas kishin fshehur të dhënat në formularin e dekriminalizimit. (J.V/Shuplaka)
VENDIMI:
Gjykata Kushtetuese e Republikës së Shqipërisë, sot, në datën 07.03.2017, mori në shqyrtim çështjen me palë:
Kërkues: Elvis Rroshi
