Vendimi është marrë sot nga Gjykata e Krimeve të Rënda, në gjyqin ndaj Emiljano Shullazit do dëshmojnë, Saimir Tahiri, Lindita Nikolla, Ardian Cipa dhe Ervin Hodaj.
Kërkesa e prokurorisë është pranuar.
Vendimi i gjykatës erdhi pas kërkesës së palëve për dëshmitarë. Gjyqi i Shullazit është në 22 qershor ku do të pyetet edhe Ylvi Beqaj.
Së fundi ndaj Shullazit rëndon akuza e kërcënimit ndaj Mynyr Konit, tashmë rektor i Universitetit të Tiranës për tu tërhequr atëherë nga gara për këtë post. Po ashtu ai akuzohet për gjobëvënie dhe shantazh.
Emiljano Shullazi është një emër i njohur për drejtësinë dhe policinë. Ai është ndaluar disa herë nga policia për kërcënime dhe armëmbajtje pa leje.
Emiljano Shullazi është cilësuar si anëtari dhe si drejtuesi i një grupi kriminal që vepron në Rrugën e Kavajës. Shullazi u arrestua sërish më 9 nëntor 2011, kur ai, së bashku me një shokun e tij, u ndaluan për veprën penale të armëmbajtjes pa leje. Emiljano Shullazi dhe Gilmand Dani, u arrestuan gjatë ditës së zgjedhjeve lokale të 8 majit 2011.
(M.D/Shuplaka)
