Reali i Madridit nuk mundi të kalonte dot në gjysmëfinalen e Kupës së Mbretit. Mirëpo sikur të mos i mjaftonte kjo do të duhet të shikojë nga shpija dhe një superndeshje si ajo mes rivalëve të saj. Atletico Madrid dhe Barcelona do të përballen në gjysmëfinalen e Kupës së Mbretit në Spanjë. Ky ishte verdikti i shortit që u hodh në selinë e Federatës Spanjolle të Futbollit.
Ndërsa çifti tjetër gjysmëfinalist është Celta Vigo-Alaves.
Ndeshjet e para do të zhvillohen javën e ardhshme. Atletico dhe Celta do të jenë ekipet pritëse. Ndeshjet e kthimit do të luhen në 8 ose 10 shkurt, por ende nuk janë caktuar datat dhe oraret e sakta të këtyre përballjeve.
Finalja do të luhet në datën 27 maj, në një fushë që mbetet ende për t’u përcaktuar. (E.K/SHUPLAKA)
