Gjykata kundër Krimit të Organizuar dhe Korrupsionit ka ndryshuar masën e sigurisë për shtetasin Hasan Kanaci, një ndër të akuzuarit për grabitjen e fundit në Rinas ku mbeti i vrarë edhe kreu i bandës Admir Murataj.
Ky ndryshim mase është bërë për shkak të mungesës së provave dhe nga arrest me burg kalon në detyrim paraqitje.
Prokuroria e dyshonte si një nga njerëzit qe informoi për grabitjen e rinasit, të ndodhur më 9 prill.
Ai ishte me detyrën e agjentit të kargos, por prokuroria nuk siguroi prova shtesë ndaj gjyqtari i GJKKO, Bib Ndreca urdhëroi disa muaj pas arrestimit të tij, që të ndryshojë masën.
Të afërmit vazhdojnë ta presin para ambienteve të paraburgimit Jordan Misja dhe nuk dinë nëse do të dalë sot apo jo.
Për këtë grabitje janë në paraburgim edhe gjashtë persona të tjerë teksa në kërkim vazhdojnë të jenë Klement dhe Eldi Çala. Sipas informacioneve, pas publikimit të lajmit, ai është liruar.
Policia e Shtetit e arrestuar Hasan Kanacin, punonjës në Aeroport, në 15 qershor pasi dyshohej se kishte gisht në grabitjen e ndodhur në datën 9 prill.
Ai u mor në pyetje në lidhje me ngjarjen e ndodhur, ndërsa atij i janë sekuestruar dhe një sasi e madhe parash, në valuta të ndryshme. Kur doli para gjykatës, ai kyçi gojën dhe nuk e pranoi fajin.
Discussion about this post