Departamenti i antidrogës në rajonin e Epirit në Greqi ka sekuestruar 161 kg kanabis në rrugën që lidh Janinën me Patrën. Sipas policisë së shtetit fqinj, lënda narkotike po transportohej me një automjet të marrë me qira nga një 23-vjeçar shqiptar.
Policia thotë se kishte informacion për transportimin e lëndës narkotike, ndaj dhe patrulla të specializuara të saj monitoronin të gjitha automjetet e dyshimta që lëviznin në këtë aks. Mësohet se lënda narkotike do të shpërndahej në tregun e narkotikëve të kryeqytetit helen.
Policia greke dyshon për persona të tjerë të përfshirë në këtë trafik dhe thotë se hetimet do të vazhdojnë për identifikimin dhe arrestimin e tyre.
