Hakerat shqiptarë nëpërmjet kanalit të tyre në Youtube kanë sulmuar qeverinë shqiptare. Sipas tyre qeveria është e inkriminuar dhe po e tradhëton popullin e saj për përfitime personale.
“Situata në Shqipëri është depresive. Në këtë vend të vogël të Europës shumë njerëz janë të papunë. Shumica e të rinjve shqiptarë e shohin të ardhmen jashtë vendit të tyre, kryesisht në Gjermani ose në ndonjë vend tjetër të Europës”, shprehen ata nëpërmjet videos, në gjuhën angleze.
Ende nuk dihet nëse hakerat shqiptarë të kësaj video janë pjesë zyrtare e grupit të famshëm botëror “Anonymous” por nuk është hera e parë që ata japin mesazhe të ndryshme për vendin.
Sulmi i fundit nga hakerat i është bërë Ministrit të Drejtësisë, Ylli Manjait, duke i mbyllur faqen e tij në ”Facebook”.
