Sot është hapur zyrtarisht Ambasada Japonezë në Shqipëri, ku ishte i pranishëm edhe Ministri japonez i Shtetit për Punët e Jashtme, Nobuo Kishi.
Ministri i Punëve të Jashtme Ditmir Bushati është shprehur gjatë kësaj ceremonie, se me hapjen e Ambasadës japoneze do të rritet bashkëpunimi dypalësh, shkëmbimet ekonomike, kulturore, por edhe kontaktet mes dy popujve.
Ndër të tjera, Bushati shtoi se biznesi japonez do të gjejë një legjislacion bashkëkohor dhe klimë të favorshme për investime në Shqipëri.
Nga ana tjetër, ministri japonez Nobuo Kishi, ka vlerësuar rolin e Shipërosë në stabilitetin e Ballkanit Perëndimor.
Sakaq, qeveria japozeze me këtë rast të veçantë ka sjellë për dhuratë 129 automjeteve japoneze të prodhimit të fundit, një donacion i mundësuar nëpërmjet një granti prej 500 milionë YEN ose 4.6 milionë dollarë. (D.D/Shuplaka)
Discussion about this post