Heqja e mandateve, Ristani: Beteja e PD-së dhe Bashës po jep frytet, pas Roshit e kanë rradhën të tjerë kriminelë

Sekretari i Përgjithshëm i Partisë Demokratike Arben Ristani ka përgëzuar heqjen e mandatit të 3 zyrtarëve që kapen nga ligji i Dekriminalizimit.

Në një status në Facebook, Ristani shkruan se pas heqjes së mandatit të kryebashkiakut të Kavajës Elvis Roshi që e mbronte Kryeministri Rama, të tjerë zyrtarë kriminelë janë në radhë për heqje mandati.

Reagimi i plotë i Arben Ristani:

“Beteja e Bashes dhe e PD, per dekriminalizimin, ka dhene dhe po vazhdon te japi frytet e saj per pastrimin e politikes dhe administrates nga kriminelet, trafikantet e droges, prostitucionit, perdhunuesit e vrasesit. Emblema e krimit ne pushtet, Roshi, investimi personal, idhulli intelektual dhe politik i Rames, sot u detyrua te lere mandatin. Per cdo shqiptar ka nisur fitorja e vlerave perballe krimit, ka nisur fitorja e qytetareve perballe Rames. Pas Roshit e kane rradhen te tjere kriminele, e bashke me Ramen, shenohet pastrimi i plote i politikes nga krimi, korrupsioni dhe arroganca. Viti 2017 po nis i mbare per shqiptaret”. (A.R/SHUPLAKA)